تساءل الرئيس عبد الفتاح السيسي، خلال كلمته اليوم بافتتاح محطة صعيد مصر ببشتيل، خلال حديثة عن استيراد المنتجات المختلفة من الخارج، قائلا:” 9 مليارات دولار تليفون محمول ومنتجات أدوية؟.. يا ترى كل الأدوية ماتقدرش تعملها؟
وتابع الرئيس قائلا :” عندنا أهم حاجة الناس بتستسهل بدل ما يجيب الكلام ده ويعمله في مصر ويخش في متاهات مع أرض وتمويل ونقل تكنولوجيا من بره علشان ينتج اللى بنقول عليه ده، يقول اشتريه أسهل والدولة ما حاولتش تشتغل بجدية وصلابة وصرامة لما تيجي على بند 16 في الجدول عطور ومزيلات عرق بـ 440 مليون دولار، شيكولاته 400 مليون دولار.. 235 مليون سيراميك وبتلوموني وتقولوا الدولار غلي ليه!”.
وأشار الرئيس إلى حجم الأرقام المعروضة عن استيراد بعض المتتجات قائلا: ما بنقولش نقفل البلد يعني.. ورق الفويل 500 مليون دولار مابنعملوش؟ ..الجبنة 1.2 مليار دولار.. نقول للناس مش عارفين نعمل مصانع ننتج الحاجات اللى الناس عاوزاها.. الحلول معانا إحنا كمصريين كرجال أعمال.. اللى مكتوب عبارة عن فرص عمل لإنتاج المنتجات دي لمصر وتبيعه وناس بتشتغل وناتج محلي وشوية ضرايب للدولة.. السيارات 25 مليار دولار معقول مش قادرين نخلي شركات السيارات تنتج سيارات في مصر نستور بس بنسبة.. إذا كنتم عاوزين تتجاوزا تحدي الدولار لازم نسبة كبيرة من هذه المنتجات يتم تصنيعها في مصر وده امر مش سهل ومدعمين الحكومة حتى تخرج هذه المنتجات في اقرب فرصة.. بقا إحنا بنجيب عطور ومش قادرين نعمل في مصر حاجات زي كده؟.
