تطرق الرئيس عبد الفتاح السيسي، خلال حديثه اليوم السبت، إلى لوحة 99 / 127 التي تضم جداول التكلفة المالية لبعض المنتجات المستوردة قائلا: “الأدوية 23 مليار دولار ..لوحات التوزيع 2 مليار دولار” .
ودعا الرئيس السيسي المستثمرين ورجال الصناعة، إلى البدء في إنتاج المنتجات التي يتم استيرادها من الخارج، معلقا: “يا أهل الصناعة يا مستثمرين يا رجال الأعمال يا اللي شغالين في البنوك والاستثمار اللى قدام منكم عبارة عن فرص عمل ليكم لأن كل منتج من ده دفعناه بالدولار علشان نجيبه لمصر.
وتساءل الرئيس: 9 مليارات دولار تليفون محمول ومنتجات أدوية بعضها يمكن ماتقدرش تعمله لكن يا ترى كل الأدوية ماتقدرش تعملها؟.. عندنا أهم حاجة الناس بتستسهل بدل ما يجيب الكلام ده ويعمله في مصر ويخش في متاهات مع أرض وتمويل ونقل تكنولوجيا من بره علشان ينتج اللى بنقول عليه ده، يقول اشتريه أسهل والدولة ما حاولتش تشتغل بجدية وصلابة وصرامة لما تيجي على بند 16 في الجدول عطور ومزيلات عرق بـ 440 مليون دولار.. شيكولاته 400 مليون دولار.. 235 مليون سيراميك وبتلوموني وتقولوا الدولار غلي ليه!.
